Pampero og hefðin á bak við eitt þekktasta romm Venesúela

Pampero romm, hið þekkta romm frá Venesúela með ríka sögu sem nær aftur til ársins 1938, hefur fengið nýjan innflytjanda á Íslandi. Montenegro Group keypti framleiðslu Pampero í byrjun árs 2025 og er breytingin hluti af áframhaldandi stefnu vörumerkisins um að styrkja stöðu sína og auka vöxt á alþjóðavísu. Frá og með deginum í dag mun Drykkur heildsala annast innflutning og dreifingu vörumerkisins.

Með aukinni áherslu á vörumerkjaþróun, sýnileika í veitinga- og bar umhverfi og langtíma samstarf mun nýr innflytjandi styðja við áframhaldandi uppbyggingu Pampero bæði í smásölu og veitingageiranum.

Pampero er alþjóðlega viðurkennt fyrir ekta venesúelskan karakter, hefðbundnar framleiðsluaðferðir og hágæða þroskað romm.

„Við erum fullviss um að Pampero rommið passar vel inn í vörubreiddina okkar enda mikilvægt skref í leið okkar að bjóða upp á heildarlausnir fyrir veitingamenn í öllum flokkum,“

segir Friðbjörn Pálsson einn af eigendum Drykkur heildsölu.