Önnur gulleinkunn til Íslands á Ólympíuleikunum í Stuttgart

Íslenska kokkalandsliðið hreppti aðra gull einkunn í morgun fyrir keppnisgrein gærdagsins á Ólympíuleikunum í Stuttgart.

Þá hefur liðið hlotið gulleinkunn fyrir báðar keppnigreinarnar sínar á leikunum.

Sjá einnig: Íslenska Kokkalandsliðið fékk gull fyrir fyrsta keppnisdag

Fyrri keppnisgreinin fór fram á sunnudag, „Chef´s table“, tólf manna borð með 11 rétta matseðli og seinni greinin sem fór fram í gær þriðjudag þarf að afgreiða þriggja rétta matseðil fyrir 110 manns.

Gulleinkunn þýðir að liðið skilaði meira en 91 stigi af 100 mögulegum fyrir greinina. Lokaniðurstöður úr heildastigagjöf dómara leikanna eru hinsvegar ekki birtar fyrr en seinni partinn í dag á lokaathöfn leikanna.

Þá kemur í ljós hvaða þjóðir hreppa þrjú efstu sætin á leikunum í ár.

Auglýsingapláss

Fimmtíu og fimm þjóðir eiga lið á leikunum.

Ljósmyndir: Ruth Ásgeirsdóttir