Óðals Havarti og Óðals Tindur loksins í sneiðum

Sala er hafin á nýjum Óðals Havarti og Óðals Tind í sneiðum. Osturinn er í hæsta gæðaflokki. Umbúðirnar vekja athygli og þær endurspegla það andrúmsloft sem við viljum tengja við ostinn: Úr fórum meistarans.

Hingað til að hafa eingöngu tvær tegundir verið til í sneiðaformi en nú eru fáanlegar í sneiðum tvær vinsælustu tegundirnar, Tindur og Havarti.

Mjög skemmtilegt er að nota ostinn í alls kyns sælkera samlokur, súrdeigsbrauð og í brunchinn.

Hin fullkomna brunch samloka „Croque madame“

Havarti osturinn dásamlega góður á brauðsneið eins og þessari með avókadó og hleyptu eggi.

Hér er allt sem þú þarft:

• Óðals Havarti í sneiðum
• Súrdeigsbrauð
• Avókadó í sneiðum
• Klettasalat
• Mulið beikon
• Hleypt egg
• Salt og pipar

Aðferð:

• Steikið beikon þar til stökkt og leggið á pappír til að ná fitunni úr, myljið niður og leggið til hliðar.
• Skerið avókadó í sneiðar og takið til klettasalat.
• Útbúið hleypt egg og leggið til hliðar á pappír.
• Steikið brauðsneið upp úr smjöri og raðið álegginu síðan á hana í eftirfarandi röð: Ostur, klettasalat, avókadó, hleypt egg, mulið beikon, salt og pipar.

Njótið vel!