Næstum 80 milljóna kröfur í þrotabú Rizzo Pizzeria

Engar eignir fundust upp í rétt rúmlega 79,1 milljóna króna kröfur í þrotabú pitsastaðarins Rizzo Pizzeria. Veitingastaðurinn var úrskurðaður gjaldþrota í október í fyrra og lauk skiptum nú 30. maí síðastliðinn.

Nokkrir veitingastaðir voru reknir á höfuðborgarsvæðinu undir merkjum Rizzo Pizzeria áður en fyrirtækið fór í þrot. Veitingastöðum í Bæjarlind í Kópavogi var búið að loka þegar það gerðist og hafði Dominos tekið yfir reksturinn í Hraunbæ í Reykjavík. Annar veitingastaður hefur þegar verið opnaður þar sem Rizzo Pizzeria var áður við Grensásveg.

Bjarni Ásgeir Jónsson, fyrrverandi framkvæmdastjóri og einn eigenda Rizzo Pizzeria, sagði í samtali við Viðskiptablaðið í fyrra ástæðuna fyrir gjaldþrotinu þá að staðurinn hafi ekki gengið og samkeppnin verið hörð.

Mynd: úr safni

Greint frá á vb.is.

/Sverrir