Frétt
Myndaveisla frá samstarfi Gunnars Karls og Poul Andrias
Á Paz í Þórshöfn, tveggja stjörnu Michelin-veitingastaðnum í Færeyjum, fór fram einstakur viðburður í byrjun september þegar tveir af fremstu kokkum Norðurlanda sameinuðu krafta sína í eldhúsinu.
Poul Andrias Ziska, eigandi og yfirmatreiðslumaður Paz, bauð íslenska matreiðslumanninum Gunnari Karli Gíslasyni í sérstakt samstarf þar sem þeir settu saman fjórtán rétta matseðil sem var aðeins í boði tvö kvöld.
Gunnar Karl er eigandi og yfirkokkur á Dill í Reykjavík, fyrsta íslenska veitingastaðnum sem hlaut Michelin-stjörnu. Dill hefur jafnframt fengið hið eftirsótta græna lauf fyrir framlag sitt til sjálfbærni. Gunnar Karl hefur markað djúp spor í íslenskri matargerð og er talinn einn helsti brautryðjandi í faginu hér á landi.
Poul Andrias Ziska hefur á skömmum tíma komið Paz á kortið sem einn af merkustu veitingastöðum Norðurlanda, en staðurinn hefur hlotið tvær Michelin-stjörnur þrátt fyrir að aðeins hafi verið opinn í nokkra mánuði. Poul starfaði áður sem yfirmatreiðslumaður á hinum heimsþekkta Koks sem náði mikilli velgengni bæði í Færeyjum og á Grænlandi.
Matseðillinn sem þeir buðu upp á var sambland af einkennisréttum hvors þeirra fyrir sig og nýjum réttum sem sóttu innblástur í náttúruna og heimahagana.
Einungis þrjátíu gestir gátu notið matarveislu hvers kvölds og var full setið bæði kvöldin.
Meðfylgjandi ljósmyndir eru frá Gunnari Karli Gíslasyni og birtar hér með góðfúslegu leyfi hans.
-
Bocuse d´Or3 dagar síðanSnædís keppir í Bocuse d´Or í stað Hinriks
-
Keppni3 dagar síðanÍslenskir og hollenskir veitingastaðir í úrslitum á National Fish & Chip Awards 2026
-
Nýtt bakarí, veitingahús, fisk- og kjötbúð og hótel2 dagar síðanBrasa tekur á móti fyrstu gestum í Smáratorgi. Sjáðu stemninguna frá opnunarpartýinu
-
Markaðurinn5 dagar síðanFerskt og litríkt sætkartöflusalat sem hentar við öll tilefni
-
Viðtöl, örfréttir & frumraun4 dagar síðanTom Kerridge stígur til hliðar frá Pub in the Park
-
Markaðurinn3 dagar síðanParmaskinka á 50% afslætti hjá Stórkaup
-
Viðtöl, örfréttir & frumraun4 dagar síðanUppselt á hátíðarkvöldverð Klúbbs matreiðslumeistara í Hörpu
-
Markaðurinn4 dagar síðanDrykkur kynnir glæsilega jólagjafapakka fyrir fyrirtæki og vini

























