Mozzarella jól – Tvær uppskriftir

Jólin nálgast og hvað er betra en bjóða fjölskyldu og vinum upp á næringarríka forrétti eða meðlæti með jólamatnum, í jólaboðið eða hittinginn. Mozzarellakúlur henta einstaklega vel í fallegan og bragðgóðan jólakrans eða jólastaf sem setja skemmtilegan svip á veisluborðið á aðventunni.

Mozzarella jólakrans

2 box mozzarella kúlur

2 box litlir tómatar

klettasalat

fersk basilíka

ólífuolía

balsamik gljái

Byrjaðu á því að raða klettasalatinu í hring á kringlóttan disk eða stærri flöt. Magnið fer algjörlega eftir stærð. Í hringinn á myndinni voru notaðar venjulegar mozzarella kúlur og einnig mozzarella kúlur með basilíku sem var raðað á hringinn. Hellið svo ólífuolíu og balsamik gljáanum yfir.

Mozzarella jólastafur

2-3 stk. mozzarella kúlur (120 g)

2-3 stk. tómatar

salt og pipar

ólífuolía

balsamik gljái

Magnið fer svolítið eftir hversu stóran staf þú vilt búa til. Í jólastafinn á myndinni voru notaðar tvær og hálf mozzarella kúla og þrír tómatar. Osturinn og tómatarnir skornir í sneiðar og raðað á víxl, olíu og balsamik gljáanum hellt yfir og svo kryddað með salti og pipar. Það er gott að bera jólastafinn fram með ristuðu snittubrauði.