Mikil stemning á Hótelsýningu Bako Ísberg sem hófst í dag – Myndir

Hótelsýning Bako Ísberg hófst í dag og lýkur henni á morgun föstudag. Mikil stemning var strax við opnun sýningarinnar en hún stendur frá 13.00 til 18.00 báða dagana.

Bjarni Ákason framkvæmdastjóri segir að sýningin hafi verið sett í gærkvöldi með hátíðarkvöldverði og í morgun voru námskeið á Rational gufusteikingarofna, en gestur sýningarinnar er að þessu sinni Fredrik Lindström frá Rational.

Á sýningunni er Innnes að kynna mjög spennandi uppsetningu og valkosti á morgunverðarhlaðborði og auk þess er Vínnes með vínkynningu á freyðivíninu Lamberti Prosecco sem smellpassar einnig fyrir hinn vinsæla drykk Mimosa. Globus er einnig á staðnum og er að kynna argentínska rauðvínið Trivento, Pfaffl hvítvínið og Amarula og svo er Himbrimi einnig með kynningu á staðnum með ginið vinsæla sem var valið það besta í heimi í sínum flokki.

Bako Ísberg býður sérstakan hótel afslátt þessa daga en það er 20% afsláttur af hótelvörum, postulíni, glösum, pottum & pönnum, Arcos og fleiri spennandi vörum á sýningunni.

Starfsfólk Bako Ísberg tekur vel á móti þér á Hótelsýningunni þeirra sem haldin er í húsakynnum fyrirtækisins að Höfðabakka 9.

Nánar á www.bakoisberg.is