Metnaðarfullir fagmenn við stjórnvölinn á nýjum veitingastað í Keflavík

Miklar og metnaðarfullar endurbætur hafa verið gerðar á veitingadeild hjá Hótel Keflavík, nýtt eldhús með nýjum græjum, nýr bar sem hefur fengið heitið KEF bar.  Nýi veitingastaðurinn heitir KEF restaurant og að auki er endurbættur veitingasalur með Bistro stemningu þar sem hægt er að slappa af, fá sé góðan bjór, hamborgara og fleira góðgæti og horfa á helstu íþróttaviðburði í beinni á risaskjá.

Rekstrarstjóri er Steinþór Jónsson hótelstjóri á Hótel Keflavík.  Magnús Ólafsson matreiðslumaður er veitingastjóri, Jón Gunnar Erlingsson matreiðslumaður er hægri hönd Steinþórs þ.e. aðstoðar-rekstrarstjóri.

Yfirmatreiðslumaður er Óli Már Erlingsson.  Óli lærði fræðin sín hjá Fiskfélaginu og útskrifaðist árið 2012.  Óli hefur starfað á Sjávarkjallaranum, Mat og Drykk út á Granda, Tapas húsinu svo fátt eitt sé nefnt.

Óli leggur áherslu á að nýta hráefni úr nánasta umhverfi á matseðil staðarins.

Bistro staðurinn

Myndir: facebook / KEF restaurant