Lúxus heitt súkkulaði með kanilkeim og súkkulaðirjóma

Það er fátt betra og hátíðlegra en heitt súkkulaði um jólin! Þetta er heitt súkkulaði sem er fullkomið þegar það á að gera vel við sig og sína um hátíðarnar. Kanill, bismark, möndlur, salt karamella og besta suðusúkkulaðið allt saman í einum bolla.

Uppskrift:

Heitt súkkulaði:
200 g Freyju suðusúkkulaði
800ml mjólk
200ml rjómi
1 tsk salt
1msk sykur
1 tsk kanill

Rjómi:
1 peli rjómi
2 msk kakó

Til skreytingar:
Smátt saxaðar möndlur
Smátt saxað bismark/jólastafur
Salt karamella

Aðferð:
1. Sjóðið mjólkina og rjómann.
2. Bætið kanilnum, saltinu og sykrinum saman við og sjóðið.
3. Að lokum bætið þið við suðusúkkulaðinu og hrærið þar til allt er bráðnað vel saman.
4. Þeytið næst rjómann og bætið svo kakóinu varlega saman við.
5. Hellið kakóinu í bolla, setjið rjóma ofan á og skreytið með saltri karamellu, jóla brjóstsykri og söxuðum möndlum.

Njótið vel! Þetta kakó sló heldur betur í gegn hjá öllum á mínu heimili og verður svo sannarlega gert mikið þessi jól.

Höfundur er Elenora Rós Georgesdóttir bakari.