Food & fun
Kore í Granda Mathöll með frábæran mat
Í upphafi var ekkert og síðan kom brauðið og þar næst Street food, segir sagan og ekki ætla ég að rengja það. Street food í þeirri mynd sem við þekkjum má rekja til Asíu, stekkur síðan yfir til USA og nú höfum við heldur betur tekið við okkur hér í Evrópu.
Í upphafi var þetta einfaldur matur sem gerður var á staðnum, yfirleitt á mörkuðum eða álíka stöðum þar sem rýmið var lítið en aðgengi að hráefninu var fjölbreytt.
Að sjálfsögðu höfum við staðið okkur bærilega undanfarið hér heima, en hugmyndirnar voru framan af ekki burðugar og einna helst var það pylsan sem við státum okkur af sem okkar besta götumat og er hún ekki einu sinni íslensk og í sinni núverandi mynd, eiginlega hálf dönsk.
En hvað um það, nú er Street food orðin listgrein og margir snillingar að skapa sér gott orð með góðri frammistöðu og skemmtilegum réttum og bragði.
Street food ævintýri
Deuki Hong er einn slíkra nafna sem hefur slegið í gegn með kórensku Street food ævintýri. Deuki Hong og félagi hans Matt Rodbard slógu rækilega í gegn hér um árið í með bókinni Koreatown sem seldist í bílförmum í USA og er m.a kveikjan á bak við veitingastaðinn Kore hér heima.
- Atli Snær
- Daelan Craig, aðstoðarmaður Deuki Hong
Sagan á bak við Kore er ævintýri líkast, frekar stutt, en bráðsmellin sem ég ætla samt að láta bíða betri tíma að segja. Deuki Hong hefur staðið eins og stytta á bak við Atla, eiganda Kore og hans fólk, varðandi útfærslur, matlagningu og annað, allt frá upphafi. Eina greiðslan sem hann hefur farið fram á er vinskapur og að fá að taka þátt í gleðinni.
Við kíktum á Kore sl. miðvikudagskvöld sem er í Granda Mathöll en áður höfum við heimsótt Kore í fyrra og urðum þá ekki fyrir vonbrigðum frekar en núna.
Einn af stóru nöfnunum í Bandaríkjunum
Deuki Hong sem er núna aftur gestur Kore á Food & Fun matarhátíðinni hefur farið á kostum í Sjávarklasanum eins og við var að búast. Undanfarin ár hefur Dekui Hong slegið rækilega í gegn í USA og víða og til gamans getið að í síðasta mánuði var hann með veislu fyrir aðstandendur Óskarsmyndarinnar Parasite. Hann er virkilega heitt nafn í USA núna og eitt af stóru nöfnunum hjá yngri matreiðslumönnum í Bandaríkjunum. Í dag starfar hann á stjörnukránni í LA Sunday Bird.
Frábær matur
Ég ætla ekki að hafa mörg orð um matinn sem í boði var en ég varð ekki fyrir vonbrigðum. Réttirnir voru spennandi, verulega bragðgóðir og fjölbreyttir og það er klárlega hægt að mæla með heimsókn í Kore.
Deuki Hong er matreiðslumaður á heimsmælikvarða og ef þið viljið góða og ódýrar matarupplifun, ekta kórenskt Street Food þá er að skella sér á Kore.

-
Markaðurinn5 dagar síðan
Matreiðslumaður óskast á veitingahúsið Sauðá á Sauðárkróki
-
Viðtöl, örfréttir & frumraun4 dagar síðan
Centrum stækkar með nýrri viðbót í gamla Pósthúsbarnum
-
Keppni4 dagar síðan
Dagur Jakobsson sigraði í Graham’s Blend Series Kokteil keppninni – Myndir og vídeó
-
Keppni4 dagar síðan
Hraði og hreinlæti tryggðu Sævari Helga sigur í barþjónakeppninni – Myndaveisla
-
Markaðurinn1 dagur síðan
Snjöll lausn fyrir veitingastaði – Heinz EazySauce tryggir rétta skammtinn
-
Nemendur & nemakeppni3 dagar síðan
Áhugaverð atvinnutækifæri: Veitingastaðir leita að metnaðarfullum nemum
-
Markaðurinn3 dagar síðan
Ómótstæðilegar sælkerabollur – brakandi marengs, silkimjúkur rjómi og dýrindis karamella
-
Markaðurinn4 dagar síðan
Ljúffengur bolluhringur – fullkominn með smjöri og osti