Konur í brugggeiranum á Íslandi brugga saman bjór af tilefni alþjóðlega kvennadagsins

Efri röð: Hrefna Karítas Sigurjónsdóttir og Laufey Sif Lárusdóttir.
Neðri röð: Ragnheiður Axel, Ásta Ósk Hlöðversdóttir, Berglind Snæland, Alyson Hartwig og Þórey Björk Halldórsdóttir

Í tilefni af alþjóðlega sambruggdegi kvenna sem haldinn er hátíðlega um allan heim hvert ár þann 8. mars hittust konur í bruggi; bruggarar, blandarar og eigendur brugghúsa á Íslandi á Ölverki í Hveragerði og brugguðu saman skemmtilegan samstarfsbjór. Þema sambruggsdagsins í ár var með “Framandi” ívafi en fyrir valinu varð léttur saison með suðrænum tónum, lime & kókóshnetu.

Í fréttatilkynningu segir að í árdaga bjórsins var bruggstarfið kvennastarf og má með sanni segja að hópurinn í dag hafi lagt hjarta og sál í bruggframleiðsluna líkt og kynsystur þeirra gerðu áður. Bjóráhugafólk mun geta nálgast bjórinn á völdum stöðum fyrstu vikuna í apríl.

Konur frá eftirfarandi brugghúsum og félögum stóðu að deginum;

• Lady Brewery
• Rvk Brewing Co.
• Ölverk brugghús
• Ölvisholt brugghús
• Fágun – félag áhugafólks um gerjun á Íslandi.

Mynd: aðsend