Keppnin Matreiðslumaður ársins 2015 er hafin

Óvissu karfan

Úrslitakeppni um Matreiðslumann ársins 2015 hófst í morgun klukkan 08:00 í morgun fyrsti keppandi skilar fyrsta rétti 3 tímum síðar eða klukkan 11:00.

Keppendur eru þeir Atli Erlendsson, Axel Clausen, Kristófer H. Lord, og Steinn Óskar Sigurðsson og eiga þeir að elda forrétt og aðalrétt fyrir dómara.

Keppendur fá þá 3,5 klukkustund til að elda samkvæmt „óvissu körfu“ , en hvaða hráefni á að nota er hægt að skoða á meðfylgjandi mynd

Dómnefndin er skipuð þeim Sturla Birgissyni, Bjarna Gunnari Kristinssyni, Þránni Frey Vigfússyni, Bjarka Hilmarssyni , Jóhannesi Jóhannessyni og Birni Braga Bragasyni en yfirdómari er Matti Jamsen en hann keppti fyrir hönd Finlands í Bocuse d’Or 2015 og lenti þar í 4-5 sæti.

Verðlaunaafhending verður svo í dag klukkan 17:00 í Hörpunni.

Fólk er hvatt til að koma og fylgjast með keppninni.

Samkvæmt niðurstöðu úr könnun lesenda þá hefur Kristófer H. Lord fengið flest atkvæði.

Mynd: Árni Þór Arnórsson