Íslenska bakaralandsliðið keppir í keppninni Nordic Bakery Cup í Þýskalandi

Landslið bakara keppir í Norðurlandameistaramóti bakara sem haldið verður 11.–12. september næstkomandi í Weinheim í Þýskalandi.

Landsliðið hefur æft mikið síðastliðnar vikur og allt orðið klárt fyrir keppnina og mun landsliðið fljúga út til Þýskalands á morgun laugardag.

Meðlimir í landsliðinu eru:

Stefán Pétur Bachmann Bjarnason hjá Hygge — Fyrirliði

Matthías Jóhannesson hjá Passion Rvk

Smári Yngvason frá Gæðabakstri

Haraldur Árni Þorvarðarson eða betur þekktur sem Árni bakari er þjálfari liðsins. Árni er fagstjóri bakaradeildar í Hótel- og matvælaskólanum.

Þema keppninnar „hope for the future“ og þarf hvert lið að framleiða skrautstykki (eins og meðfylgjandi myndir sýna), vínarbrauð, croissant, sætdeig.

Íslenska bakaralandsliðið keppti síðast á Nordic Bakery Cup árið 2018 sem haldið var samhliða Foodexpo í Herning í Danmörku. Ísland komst því miður ekki á verðlaunapall og hafnaði í fjórða sætið en stóðu sig mjög vel í keppninni. Úrslit í þeirri keppni var að hreppti Danmörk 1. sætið, Svíþjóð í 2. sætið og Noregur í það þriðja.

Til gamans má geta að Sigurður Elvar Baldvinsson, bakara og konditormeistari, var í danska landsliðinu sem sigraði Nordic Bakery Cup 2018, en hann varð hlutskarpastur í gerð skrautstykkja.

Nordic Bakery Cup er liður í æfingu hjá íslenska landsliðinu sem stefnir á heimsmeistaramót bakara í München, 23. október 2023.

Myndir: aðsendar