Hafa boðið upp á hádegisverð í 25 ár

Veitingahjónin Brynhildur Kristjánsdóttir og Stefán Sigurðsson 

Veitingahúsið Vitinn í Sandgerði er eitt elsta veitingahús á Íslandi og hefur yfir sér mikinn sjarma. Vitinn hefur boðið upp á hádegisverð frá opnun staðarins fyrir 25 árum síðan.

Vitinn hóf að sjá um mat fyrir ýmsar stofnanir hér í Sandgerði síðasta vetur og nú sér fyrirtækið einnig um matseld fyrir stofnanir í Vogum við Vatnsleysuströnd.  Matarskammtar í hádeginu eru nú nálægt 900 á dag.  Auk þessa býður Vitinn upp á glæsilegan kaffihúsamatseðil, úrval léttra veitinga í bistró umhverfi og fjölbreyttan og girnilegan A la carte kvöldverðamatseðill.

Freisting.is hafði samband við matreiðslumeistarann Stefán Sigurðsson og lagði fyrir hann nokkrar spurningar.

Hvaða staði þjónustar Vitinn í hádeginu og hvernig er skiptingin?

• Grunnskólinn í Sandgerði  190-220 manns
• Leikskólinn í Sandgerði 114 manns
• Miðhús eldriborgarar 16 manns
• Starfsmenn stofnana Sandgerðisbæjar 36-38 manns
• Grunnskólinn Vogum 210-220 manns
• Leikskólinn Vogum 100 manns
• Eldriborgarar 10 manns
• Starfsmenn Vogar 50 manns
• Bakkamatur   40-60 bakkar manns
• Veitingahúsið Vitinn 40-50 matar manns

Hvað vinna margir við framreiðsluna?
Við framreiðsluna vinna 10 manns sem fara á milli staða eftir þörfum.

Hvar fer matreiðslan fram?
Hún fer fram á þremur stöðum:

• Eldað er fyrir Sandgerði í Vörðunni
• Eldað er fyrir Vogana í Vogaskóla
• Eldað er fyrir Vitann í Vitanum, en ýmiss undirbúningur fyrir vitann fer fram í Vörðunni

Það liggur nú beinast við að spyrja, hvenær hefst vinnudagurinn hjá þér og hvenær lýkur honum?
Það er ekki nema von um að þú spyrjir svarar Stefán með bros á vör, en hann er nokkuð langur. Vinnudagurinn á virkum dögum byrjar hjá mér klukkan 05;30 og lýkur um kl. 22°° á kvöldin og stundum lengur, en ég tek mér smá hvíld á daginn eða um eina klukkustund. Ég er með mjög gott starfsfólk og Brynhildur eignkona mín er mín stoð og stytta í þessu öllu saman.

Unnið er að nýrri heimasíðu fyrir Vitann: www.vitinn.com

Freisting.is þakkar Stefáni fyrir þetta stutta spjall og óskar honum velgengni í sínu starfi.

[email protected]