Gómsætar jólagjafir frá MS til starfsmanna og viðskiptavina

Ostar eru frábærir í tækifæris- og jólagjafir fyrir starfsmenn og viðskiptavini enda sívinsælir á veisluborðum landsmanna. Falleg gjafakarfa með úrvali af bragðgóðum íslenskum ostum og öðru góðgæti er gómsæt gjöf sem gleður í aðdraganda jólanna. Mjólkursamsalan býður upp á fjölbreytt ostakörfuúrval þar sem allir geta fundið eitthvað við sitt hæfi, en körfurnar koma í ýmsum stærðum og gerðum.

Sölumenn MS eru boðnir og búnir við að aðstoða viðskiptavini sína við val á ostakörfum en einnig er hægt að útbúa körfur eftir óskum hvers og eins, nú eða bæta annarri matvöru, víni eða gjafavöru í körfurnar – allt eftir því hvað hentar hverjum og einum.

Við leggjum okkur fram við að veita góða og persónulega þjónustu og óskir þú eftir heimsókn eða nánari upplýsingum um ostakörfurnar hvetjum við þig eindregið til að hafa samband. Þá bendum við jafnframt á að ostakörfurnar er hægt að skoða á vefsíðunni okkar: ms.is/ostakorfur