Fyrsti jólabjór KEX Brewing fáanlegur í vikunni

KEX Brewing er brugghús sem stofnað var af eigendum KEX Hostel og Bjórakademíunni tæpu ári og hafa nú bruggað sinn fyrsta jólabjór sem heitir KEXMas.

KEXMas kemur á krana á Hverfisgötu 12 og Mikkeller & Friends á morgun fimmtudaginn 9. nóvember. Velunnurum og bjóráhugafólki boðið að taka forskot á sæluna á milli klukkan 17:00 og 19:00. Frír KEXMas verður í boði svo lengi sem birgðir endast.

KEXMas er Session IPA og verður hann aðeins eins dags gamall þegar hann kemur undir á fimmtudaginn. Gleðskapurinn heldur svo áfram fram á kvöld og mun DJ Retronaut þeyta skífum ofan í mannskapinn frá klukkan 21:00.

KEXMas verður í framhaldinu fáanlegur á nokkrum velvöldum öldurhúsum og veitingahúsum í kjölfarið, þ.m.t. Skúli Craft Bar, Sandholt, Microbar, Sæmundur í sparifötunum á KEX o.fl..

Hinrik Carl Ellertsson matreiðslumaður og fréttamaður veitingageirans á heiðurinn af uppskriftinni, hann er sömuleiðis rekstrarstjóri DILL Restaurant og Hverfisgötu 12.

Sömuleiðis verður Mikkeller & Friends á Hverfisgötu 12 með úrval jólabjóra sem fara undir á morgun.

Frá To Øl

• Santastique
• Santa Gose
• SnowBall
• Frost Bite
• Chamomild

Frá Mikkeller

• Santa´s Little Helper
• Fra Via Til
• Hoppy Christmas
• Red/White Christmast
• X-Mas Wish Gluten free
• X-Mas Ginger Brett

Ljósmyndir: Lilja Jónsdóttir