Fyrsta bjórhátíð Samtaka Íslenskra Handverksbrugghúsa haldin 18. ágúst

Samtök sjálfstæðra smærri handverksbrugghúsa á Íslandi. Erlent heiti samtakana er Independent Craft Brewers of Iceland.

Samtök Íslenskra Handverksbrugghúsa halda sína fyrstu bjór og brugghátíð í samstarfi við Bryggjuna Brugghús á Menningarnótt. Hátíðin fer fram úti á bryggjunni og taka 11 handverksbrugghús þátt í þetta sinn og kynna sig og sínar vörur fyrir gestum og gangandi.

Frítt er inn á hátíðina og gefst gestum tækifæri á að versla beint af hverju brugghúsi en auk þess verður hægt að kaupa klippikort í takmörkuðu upplagi og með því fylgir sérmerkt glas. Klippikortið veitir frítt smakk frá hverju brugghúsi. Það fæst hérna.

Þátttakendur eru:

• Bryggjan Brugghús
• Bastard Brew and Food
• Beljandi
• Bruggsmiðjan Kaldi
• Dokkan Brugghús
• Eimverk Distillery
• Gæðingur
• Malbygg
• RVK Brewing Co.
• The Brothers Brewery
• Ægir Brugghús

Ekki láta þetta tækifæri til að kynnast íslensku handverki framhjá þér fara.

Yfirlitskort af handverksbrugghúsum á Íslandi

Um Samtök Íslenskra Handverksbrugghúsa
Í febrúar 2018 komu eigendur íslenskra handverksbrugghúsa saman og stofnuðu Samtök íslenskra handverksbrugghúsa, á ensku Independent Craft Brewers of Iceland. Samtök þessi eru hagsmunasamtök smærri áfengisframleiðanda á Íslandi, sem gerja og framleiða áfengi í eigin framleiðslutækjum. Í samtökunum eru nú 21 handverksbrugghús um land allt.

Myndir: facebook / Samtök íslenskra handverksbrugghúsa