Fjölgun á hótelherbergjum hótel Marina seinkar vegna verkfalls lögfræðinga hjá ríkinu „Auðvitað erum við að tapa á þessu….“

Reykjavík Marina við Slippinn í Reykjavík
Á lóðinni vestan við hótelið eru tvö hús og eru þau hluti af hótelinu en á milli þeirra og hótelsins er nýja byggingin.
Mynd tekin 15. mars 2014 / Matthías Þórarinsson matreiðslumaður

Auðvitað erum við að tapa á þessu. Við áttum að opna síðastliðinn föstudag, verkið er klárt og allir okkar fjármunir liggja í húsnæðinu og engar tekjur á móti útlögðum kostnaði,

segir Birgir Guðmundsson, hótelstjóri Icelandair hótel Reykjavík Marina við Slippinn í Reykjavík í samtali við visir.is.

Endurbótum á hótelinu lauk á föstudaginn síðastliðinn, en um er að ræða fjölgun á hótelherbergjum sem nemur 39 herbergjum og kaffihúsi sem átti að taka í gagnið á föstudaginn fyrir viku. Ekki fást tilskilinn rekstrarleyfi fyrir viðbótinni við hótelið í ljósi verkfalls lögfræðinga hjá ríkinu.

Aðspurður segist Birgir ekki vita hversu mikið fjárhagslegt tjón um ræðir.

Það er alltaf erfitt að meta, en þetta er visst tap á hverjum einasta degi sem líður.

Ásamt fjölgun herbergja stóð til að opna nýtt alrými þar sem yrði salur fyrir allt að fimmtíu manns og annað rými fyrir 25-30 manns.

Mynd: Matthías

/Smári