Elduðu margréttaða máltíð fyrir bandarísk hjón

Veitingastaðurinn Torgið við Aðalgötuna á Siglufirði

Bandarísk hjón sendu beiðni á veitingastaðinn Torgið á Siglufirði um að elda margréttaða máltíð. Hjónin gistu á Sigló hótel og fóru meðal annars á Síldarsafnið og voru yfir sig hrifin af Siglufirði, en þau eru á ferðalagi um Ísland í tvær vikur.

Beðið var sjávarréttarveislu og var það auðsótt mál.

Matseðillinn var á þessa leið:

Síldarréttir.
Marineruð síl, sinnepssíld, rúgbrauð bakað á staðnum og íslenskt smjör.

Úthafsrækjur.
Hvítlauksristaðar ferskar úthafsrækjur, gljáðar sítrónur og lime.

Grafin lúða.
Grafin smálúða, sinnepsdillsósa, gúrkusalsa, rucola og ristaðir croutons teningar.

Siglfirðingur.
Ein vinsælasta pizza Torgsins, Siglfirðingur, þorskur, rækjur, chilliflögur, rauðlaukur, hvítlauksolía og piparblanda.
Borin fram sem míni pizza á litlum disk.

Sjávarréttasúpa.
Sjávarréttasúpa að hætti Torgsins

Hlýri.
Steiktur hlýri, kartöflusmælki, grillaðar gulrætur og aspas með Bourbon sósu.

Ís.
Vanilluís, rabarbarasulta, pikklaður og gljáður rabarbari, jarðarber, bláber og mynta.

Um Torgið

Það eru hjónin Daníel Pétur Baldursson matreiðslumaður og Auður Ösp Magnúsdóttir sem standa að baki veitingastaðnum Torginu á Siglufirði.

Torgið er lítill, notalegur og fjölskylduvænn veitingastaður í hjarta Siglufjarðar. Boðið er upp á hádegisverðarhlaðborð alla virka daga.

Matseðillinn á hlaðborðinu er fjölbreyttur og  þar má finna kjúklinga-, lambakjöts-, svínakjöts-, pasta- eða fiskrétti. Enginn dagur er eins. Ekki missa af góðri stund í hádeginu á Torginu.

Kvöldmatseðillinn höfðar til allra. Gómsætar pizzur, hamborgarar, salöt, smáréttir ofl.

Á töflunni kennir ýmissa grasa þar sem girnilegir réttir dagsins eru í boði, fiskur og franskar (Fish & chips), nautasteik, vegan réttir o.fl.