Egils Lite vinnur gullverðlaun í annað sinn á þessu ári

Ölgerðin Egill Skallagrímsson hefur á stuttum tíma unnið gullverðlaun í tveimur alþjóðlegum keppnum bjórframleiðenda fyrir Egils Lite bjórinn. Nú síðast í belgísku Monde selection keppninni sem haldin er árlega. Þá vann Egils Lite nýlega gullverðlaun í World Beer Cup 2006, heimsmeistarakeppni bjórframleiðenda í flokki kolvetnissnauðra bjóra.

Tvenn gullverðlaun í alþjóðlegum keppnum eru mikil viðurkenning fyrir þróunarstarf Ölgerðarinnar, en Guðmundur Mar Magnússon, bruggmeistari Ölgerðarinnar, hefur haft veg og vanda af þróun Egils Lite.

Við þróun bjórsins var allt kapp lagt á að ná fram fyllingu í lit og bragði en halda hitaeiningunum í skefjum. Árangurinn er sá að aðeins 29 kaloríur eru í hverjum 100 millilítrum. Egils Lite höfðar því sérstaklega til þeirra sem vilja geta notið þess að drekka bragðgóðan bjór án þess að hafa áhyggjur af orkuinnihaldinu. Egils Lite hefur 4,4% alkóhólinnihald, og fæst í öllum stærri vínbúðum ÁTVR.

Vefsvæði keppninnar

Greint frá á Egils.is

[email protected]