Vertu memm

Nýtt bakarí, veitingahús, fisk- og kjötbúð og hótel

CENTER HOTELS: OPNA TVÖ NÝ HÓTEL

Birting:

þann

Kristófer Oliversson

Kristófer Oliversson og eiginkona hans, Svanfríður Jónsdóttir, hafa starfrækt tvö hótel í miðborg Reykjavíkur en það eru Klöpp og Skjaldbreið auk hótelíbúða á Þinghólsstræti sem verið er að byggja við og mun opna nú í sumar en þar verður mikið lagt uppúr hönnun og ekki skemmir staðsetningin fyrir.

Þá lítur nýtt hótel dagsins á Ingólfstræti en það verður fyrir „venjulega“ ferðamenn þar sem allt verður þó til alls, meðal annars spa og veitingastaður á efstu hæðinni. Kristófer var á leiðinni útúr bænum þegar Fréttablaðið náði tali af honum. „Nei, ég lít ekki svo á,“ svaraði Kristófer þegar hann var inntur eftir því hvort hann væri næsti hótel – kóngur Íslands. „Ég er bara framkvæmdarstjóri fyrirtækisins Centerhotels sem er ansi langt frá kóngstigninni,“ bætir Kristófer við og hlær.

Árið 1997 vann Kristófer sem rekstrarráðgjafi hjá Hagvangi og gerði sér grein fyrir því að markaður væri fyrir gistingu handa sístækkandi hópi ferðamanna en vill sem minnst gera úr útrás sinni. „Þetta var bara eins og hvert annað tækifæri sem við hjónin ákváðum að nýta,“ segir hann hógvær. „Aðrir hafa síðan fylgt í kjölfarið,“ bætir hann við. Centerhotels hafa ekki haft sig mikið í frammi hér á landi enda segir framkvæmdarstjórinn að þau hafi fyrst og fremst markaðssett sig erlendis. „Engu að síður leggjum við mikið uppúr því að nöfn hótelanna beri ramm – íslensk nöfn,“ segir hann.

Íslenskt skemmtanalíf hefur verið mjög vinsælt meðal útlendinga og reyndar svo vinsælt að mörgum þykir nóg um. Kristófer segir að vissulega komi hingað ferðamenn til að skemmta sér en þá sé eingöngu um hefðbundnar borgarferðir að ræða. „Reyndar tel ég að við höfum ákveðna sérstöðu því það er stutt í náttúruperlur á borð við Gullfoss og Geysi eða Þingvelli,“ útskýrir hann og segir að langflestir útlendingar komi hingað á sumrin til að ferðast um landið. Hvort stórstjörnur á borð við Harrison Ford eða Quentin Tarantino hefðu hallað höfði hjá honum sagði Kristófer. „Það gilda sömu reglur hjá okkur og spítölum. Hverjir gista er trúnaðarmál en það er alltaf einhvern slæðingur.“

Greint frá á Visir.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Auglýsingapláss
Click to comment

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið