Áætla um 100 matreiðslumenn og 50 framreiðslumenn að störfum í hátíðarkvöldverði KM

Hátíðarkvöldverður Klúbbs matreiðslumeistara (KM) verður haldinn í Hörpu laugardaginn 11. janúar 2025 næstkomandi. Er þetta einn stærsti og glæsilegasti viðburður ársins og verður klárlega eftirminnilegt kvöld líkt og hefur verið til fjölda ára.

Sjá einnig: Hátíðarkvöldverður Klúbbs matreiðslumeistara 2024

Þessi viðburður hefur verið haldinn árlega síðan 1988, fyrir utan tvö ár sem allir þekkja, það er Covid tímabilið.

KM áætlar að þegar hæst stendur verða yfir 100 matreiðslumenn og 50 framreiðslumenn á svæðinu, þannig að allir ættu að hitta einhvern sem þeir þekkja.

Hátíðarkvöldverðurinn er aðalfjáröflun Klúbbs matreiðslumeistara þar sem bestu matreiðslumenn landsins taka höndum saman og framreiða margrétta hátíðarmatseðil ásamt sérvöldum eðalvínum.

Allur ágóði kvöldsins rennur til starfsemi Klúbbs matreiðslumeistara, þannig verður klúbbnum kleift að efla matargerðarlist og styðja framgöngu klúbbfélaga bæði hér heima og erlendis með rekstri Kokkalandsliðsins og keppninnar um Kokk ársins. Næsta stóra mót Kokkalandsliðsins er heimsmeistaramót sem haldið verður í Lúxemborg 2026.

Miðaverð er 75.000 kr. og rennur allur ágóði kvöldsins til Kokkalandsliðsins.

Yfirmatreiðslumaður kvöldsins er Arnar Darri Bjarnason.

Myndir frá Hátíðarkvöldverði Klúbbs matreiðslumeistara 2024 – Ljósmyndari: Mummi Lú