Háloftavín í Flugleiðavélum

Á hverju ári endurnýja Flugleiðir vínkost flugvéla sinna, a.m.k. þeirra er fást á business-class. Nýr vínseðill byrjaði á business-class fyrir nokkrum dögum og er þar að finna eitt vín frá okkur, The Footbolt 2003 Shiraz frá d’Arenberg. Verður það eingöngu fáanlegt á flugleiðum til Bandaríkjanna. Þetta er þriðja árið í röð sem flugfélagið, með aðstoð helstu vínspekúlanta landsins, velur vín frá Vín & mat á þennan merkilega vínlista.
Jafnframt munu Flugleiðir í fyrsta sinn kaupa af okkur vín fyrir almennt farrými. Þetta eru argentísk vín (187ml flöskur),  rautt og hvítt, sem eingöngu eru flutt inn í þessum tilgangi. Framleiðandi þeirra er Don Cristobal. Við fluttum inn eitt vín frá honum á síðasta ári sem eingöngu var selt á business-class. Argentísku vínin munu koma í fyrsta gáminum sem Vín & matur flytur inn en hingað til höfum við eingöngu flutt inn í brettavís.

Orðrétt af heimasíðu Víns og matar.

Heiðar Birnir Kristjánsson
[email protected]