Uppskrift – Osso bucco með hvítlaukskartöflumús, steiktum gulrótum og piparrót

• 4 stk Osso bucco

• 100 gr hveiti

• 1 stk laukur (skrældur og fínt skorin)

• 200 gr gulrætur (skrældar og gróft skornar)

• 4 sellerístilkar (fínt skornir)

• 4 hvítlauksgeirar (gróft skornir)

• 1 Líter vatn

• 1 teningur kjötkraftur

• 400 gr tómatar í dós

• 2 stk lárviðarlauf

• 350 ml rauðvín

• Sósujafnari

• Sjávarsalt

• Svartur pipar

• Sítrónusafi

• Sjávarsalt

• Svartur pipar úr kvörn

• Ólífuolía til steikingar

• Piparrót

Hitið stóran pott með olíu í botninum. Veltið osso bucco-inu upp úr hveitinu og steikið í ca 2 min á hvorri hlið. Bætið grænmetinu út í pottinn og og steikið með í ca 2 min.

Hellið rauðvíninu út í og látið það sjóða niður um helming. Bætið tómati, vatni, lárviðarlaufum og kjötkrafti út í og látið allt sjóða við væga suðu í 2,5 tíma eða þar til kjötið er orðið meyrt.

Takið kjötið upp úr soðinu og sigtið vökvann í gegnum sigti yfir í annan pott. Hitið upp á vökvanum og smakkið til með rauðvíni, kjötkrafti og salti og pipar.

Þykkið sósuna eftir smakk og ausið henni yfir osso bucco-ið áður en þið berið það fram.

Rífið í lokinn vel af piparrót yfir kjötið og berið það fram með kartöflumúsinni.

Hvítlaukskartöflumús  

• 4 stk bökunarkartöflur (bakaðar og afhýddar)

• 250 ml rjómi

• 4 msk gróft skorin ítölsk steinselja

• 1 stk hvítlauksgeiri (fínt rifinn)

• sjávarsalt

Setjið rjómann út í pottinn ásamt fínt rifna hvítlauknum og látið hann sjóða varlega í 5 mín. Bætið bökunarkartöflunum út í, blandið öllu vel saman og smakkið til með saltinu. Hrærið steinseljunni útí í lokinn.

Steiktar gulrætur 

• 4 gulrætur ca 500 gr (skrældar og skornar í teninga)

• ólífuolía til steikingar

• 1 msk smjör

• 2 msk gróft skorin steinselja

• Sjávarsalt

• Svartur pipar úr kvörn

Hitið pönnu með ólífuolíu og setjið gulræturnar á pönnuna og steikið þar til þær eru mjúkar í gegn. Kryddið með salti og pipar og blandið steinseljunni saman við í lokinn.

Eyþór Rúnarsson matreiðslumeistari