Nýr staður Le Bistro | „Ég skellti mér í brunch hjá þeim…“

Hann er staðsettur á Laugaveginum, þar sem áður var Frú Berglaug, staðurinn er franskt bistro og eru eigendurnir franskættaðir en búsettir á Íslandi. Ég skellti mér í brunch hjá þeim og hefði sennilega átt að taka franska brunchinn en valdi þann enska því mér langaði eiginlega meira í hann þennan dag.

Mér var vísað til sætis og boðinn matseðill og ef ég vildi panta drykk og bað ég um light bensin á kantinn og áðurnefndan brunch.

Stuttu seinna kemur karfa með ristuðu baquette, smjör og sulta, einnig kom glas af blönduðum ávaxtasafa, svakalega var það gott.

Enskur dögurður

Svo kom aðaldiskurinn en á honum var beikon, hrærð egg, kartöflur, steiktur tómatur, steiktir sveppir, morgunverðarpylsur og bakaðar baunir, þetta leit mjög girnilega út og ekki síðar á bragðið.

Meira segja starfsstúlkurnar voru klæddar eins og maður ætti von á í latínu hverfinu í París.

Þetta var góð heimsókn á þennan stað og á ég eflaust eftir að detta þar inn oftar.