Jungle strákarnir opna nýjan bar

Nýr bar opnaði nú á dögunum við Skólavörðustíg 8 í Reykjavík, en gengið er inn Bergstaðastrætis megin.

Staðurinn heitir Bingo Drinkery og er casual hverfisbar með íslenskt handverksöl og kokteila sem hægt er að njóta í kósí stofu sem minnir helst á stofuna hennar ömmu.

Eigendur Bingo Drinkery eru Jónas Heiðarr Guðnason, Ólafur Andri Benediktsson, Jakob Eggertsson og Sindri Árnason, en þeir eiga jafnframt vinsæla barinn Jungle, sem staðsettur er við Austurstræti 9 á efri hæð.

Á Bingo Drinkery er opið miðvikudaga til sunnudaga og alla daga frá og með desember. Boðið er upp á happy hour frá klukkan 16:00 til 18:00.

„Erum með 4 bjóra á krana og stútfullan kæli af skemmtilegum og öðruvísi bjórum frá íslenskum bjórframleiðendum.“

Sagði Jónas Heiðarr í samtali við veitingageirinn.is.

Á Bingo er svona 50/50 fókus á bjórinn og kokteila og er hugsunin hjá eigendum að setja upp stað þar sem þessi tveir heimar geta komið saman. Þar af leiðandi verða stundum á boðstólnum bjórkokteilar, eins og t.d. Espresso Brewtini sem eru á seðli, þar sem notaður er íslenskur stout bjór til að krydda aðeins uppá hinn geysivinsæla Espresso Martini.

Einnig er á boðstólnum léttir og þægilegir kokteilar þar sem allir ættu að finna eitthvað við hæfi. Síðast en ekki síst er mikill fókus lagður á nokkra drepklassíska kokteila eins og Old fashioned, Negroni og Manhattan.

Fylgist með Bingo Drinkery á instagram hér: @bingo.rvk.

Myndir: aðsendar