Nýr og bragðmikill rifinn ostur frá MS

Mjólkursamsalan hefur sett á markað rifinn ost með sterku kryddi en fyrst um sinn er osturinn aðeins fáanlegur í 1000 g öskjum fyrir stóreldhúsamarkað. Osturinn inniheldur bragðmikla og góða kryddblöndu þar sem basilíka, svartur pipar, óreganó, cayennepipar og chiliduft eru í aðalhlutverki.

Þessi bragðsterki ostur hentar sérstaklega vel með öðrum rifnum ostum á pizzur og ofnbakaða rétti en vert er að taka fram að kryddblandan er bragðsterk og hentar því ekki öllum sé hún notuð ein sér.

Nánari upplýsingar um verð fást hjá sölumönnum MS.