Íslandsmeistarakeppni í Matarhandverki – 19. – 21. nóvember 2019

Íslandsmeistarakeppni í matarhandverki Askurinn, verður haldin 19-21 nóvember.

Keppni í matarhandverki er fyrir framleiðendur matarhandverks. Keppnin felur í sér að framleiðendur fá faglegt mat á gæði vörunnar og eru verðlaun veitt fyrir þær vörur er þykja skara fram úr. Gullverðlaunahafi er jafnframt Íslandsmeistari í viðkomandi flokki.

Keppt er í 6 keppnisflokkum:

• Mjólkurvörur
• Kjöt
• Fiskur & sjávarfang
• Bakstur
• Ber, ávextir og grænmeti
• Nýsköpun í matarhandverki

Skráningu lýkur 4. nóvember. Hver þátttakandi má skrá eins margar vörur og hann vill í hvaða flokk sem er. Keppnisvörur skal afhenda ekki síðar en á hádegi 19. nóvember á Matís, Vínlandsleið 12, 113 Reykjavík. Úrslit keppninnar verða tilkynnt á Matarhátíð á Hvanneyri 23 nóvember kl 14:00.

Að keppninni stendur Matís ohf í samstarfi við Sóknaráætlun Vesturlands, Markaðsstofu Vesturlands, Landbúnaðarháskóla Íslands og Matarauð Íslands.

Nánari upplýsingar um keppnina má finna á skáningarsíðu Asksins 2019 Matarhandverkskeppni.

Mynd: úr safni