Anthony Bourdain látinn

Anthony Bourdain

Kokkurinn og matargagnrýnandinn Anthony Bourdain er látinn, 61 árs að aldri.

Frá þessu greinir mbl.is sem vísar í yfirlýsingu frá CNN. Þar kemur fram að Bourdain hafi svipt sig lífi.

„Með ótrúlegri sorg í hjarta staðfestum við að vinur okkar og samstarfsmaður, Anthony Bourdain, er látinn,“

segir í yfirlýsingu frá CNN.

Bourdain var staddur í Frakklandi þegar hann lést, þar sem hann vann að tökum á nýjum þætti fyrir verðlaunaða sjónvarpsþætti sína á CNN.

Samkvæmt fréttinni fann vinur hans og samstarfsmaður, Eric Ripert, hann látinn á hótelherbergi sínu í morgun.

Bourdain var um árabil einn þekktasti sjónvarpskokkur heims og naut mikilla vinsælda fyrir þætti sína um matarmenningu, ferðalög og veitingastaði víðs vegar um heiminn.