Ungliðastarfið

Ingvar Sigurðsson

Mikil sigling er komin á ungliðastarfið í matreiðslu undir handleiðslu Bjarka Hilmarssonar og Rögnvaldar Guðbrandssonar sem hafa tekið verkefnið að sér. Tilgangurinn með ungliðastarfinu er að ýta enn frekar undir áhuga okkar efnilegustu nema í matreiðslu og hver veit nema í þessum hópi leynist landsliðsmenn framtíðarinnar.

Mikill áhugi og dugnaður einkennir hópinn sem hefur þegar tekið að sér eitt verkefni og leyst það vel af hendi. Var það hlaðborð sem sérstaklega var sett upp fyrir nemendafélag menntaskólans á Ísafirði í tilefni af sólrisuhátíðinni, sem haldinn er árlega þar í bæ. Fjórir fræknir félagar úr Ungkokkum Íslands fóru vestur og lögðu nótt við dag til að setja upp glæsilegt hádegishlaðborð fyrir nemendur og kennara. Heppnaðist þetta frábærlega og þótti maturinn einstaklega góður, frumlegur og fallega fram borinn. Hægt er að sjá myndir frá Ísafirði á vef freistingar og heimasíðu Klúbbs matreiðslumeistara.

Til hamingju Ungkokkar Íslands og haldið áfram á þessari braut. Bjarki er örugglega búinn að segja ykkur að það kostar svita og tár að verða góður í þessu fagi.

Ingvar Sigurðsson
Forseti Klúbbs matreiðslumeistara