Essensia er nýr veitingastaður á Hverfisgötunni – Myndir & vídeó

Hákon Már Örvarsson matreiðslumaður og eigandi Essensia

Essensia er veitingastaður með ítölsku þema sem opnar nú í lok ágúst. Þar verður boðið upp á ítalskar skinkur, pizzur eins og þær gerast bestar, ferskt pasta, T-bone steik, lambaskanka, fiskrétti, kokteila og eðal vín svo fátt eitt sé nefnt.

Skrunið niður til að horfa á vídeó

Staðurinn er staðsettur við Hverfisgötu 6

Það er hinn margverðlaunaði matreiðslumeistari og brons Bocuse d´Or verðlaunahafi Hákon Már Örvarsson sem er maðurinn á bak við Essensia, en staðurinn er staðsettur við Hverfisgötu 6.

Hákon rekur einnig veitingastaðinn Kitchen & wine sem er í næsta húsi, á fyrstu hæð 101 hótels.

„Þessir tveir ólíku veitingastaðir endurspegla ástríðu mína í matargerð. Aðal áherslan er ferskt hráefni og góð þjónusta í skemmtilegu, frjálslegu andrúmslofti. „

sagði Hákon Már.

Eseensia – Atvinnuauglýsing

Við óskum eftir fagfólki til starfa í skemmtilegt umhverfi á metnaðarfullan vinnustað.

– Kokka
– Pizzubakara
– Þjóna
– Aðstoðarfólk í sal og eldhús

Bæði fullt starf og hlutastarf í boði. 18 ára aldurstakmark.

Áhugasamir vinsamlega sendið umsókn með ferilskrá á [email protected]

Frekari upplýsingar veitir Hákon Már Örvarsson í síma 8919411.

Veitingageirinn.is fékk að skoða matseðilinn sem er enn í vinnslu og er hann virkilega skemmtilega uppsettur þar sem hægt er að deila réttum og prófa sem flesta.

Vídeó

[fbvideo link=“https://www.facebook.com/Veitingageirinn.is/videos/1171956452867871/“ width=“650″ height=“500″ onlyvideo=“0″]

Myndir og vídeó: Smári

Auglýsingapláss