Ljótar pítsur á leið til Bandaríkjana

Ugly opnaði fyrsta staðinn í Kópavogi í desember 2015 og nú fyrir stuttu við Langarima í Grafarvogi. Stefnan er svo sett á að opna þriðja staðinn hér á landi á þessu ári en sá verður í Hafnarfirði.

„Við byrjum á einum og þeir stefna á að vera búnir að opna 30 um mitt næsta ár. Þeir ætla að byrja á að opna í Portland í Oregon,“

segir Unnar Helgi Daníelsson um útrás pitsustaðarins Ugly í samtali við visir.is.

Auk pitsustaðarins á Unnar og rekur skemmtistaðinn Dúfnahóla 10 ásamt Arnari Finni Arnarsyni og á einnig fyrirtækið Reykjavík Rocks.
Reykjavík Rocks sérhæfir sig í að skemmta útlendingum, sem vill til að eru oft vel stæðir, og var það einmitt í gegnum fyrirtækið sem Unnar komst í kynni við Taylor Sause sem ólmur vill Ugly til Bandaríkjanna.

Nú á dögunum hófst samstarf pitsustaðarins Ugly við kleinuhringjavagninn Dons Donuts og verða kleinuhringirnir partur á eftirrétta matseðlinum þeirra.

Sjá einnig: Býður upp á ljótar pizzur og fær góða dóma: “Án efa besta pizza bæjarins”

Fyrir þá sem ekki vita þá er sérstaða pitsustaðarins Ugly fólgin í áður óþekktri fjölbreytni í pitsubotnum en boðið er upp á blómkáls- og kjötbotna auk hefðbundnari deig- og speltbotna.

Nánari umfjöllun er hægt að lesa á vefnum visir.is með því að smella hér.

Myndir: facebook/uglypizzaiceland