Íslenski Barinn – Veitingarýni

Matargerð Íslenska barsins við Ingólfstræti 1A í Reykjavík er þjóðleg á óhefðbundinn hátt. Það var eitt kvöldið sem við bræður fórum á Íslenska Barinn til að fá okkur snæðing og spjalla saman, vel var tekið á móti okkur, vísað á borð og þetta hefðbundna afgreitt og pöntuðu við eftirfarandi:

Nýbakað brauð

Fyrst kom nýbakað brauð með kryddsmjöri. Mjög gott og kryddsmjörið skemmtileg tilbreyting.

Egilsappelsín með Appaló lakkrísröri

Svo kom flaska af Egilsappelsín með Appaló lakkrísröri í og hvað er íslenskara en það.

Rækjukokkteill eins og hann gerist bestur

Í krukku, mjög bragðgóður, fínar rækjur, ferskar á bragðið.

Síldarsalat, kapers, súrar gúrkur og rúgbrauð

Mjög góð síld, bragðgóð og temmilega stíf, sósan hæfilega bragðmikil.

Fiskréttur dagsins: grillaður lax með taglatelle og fersku salati

Flott eldun á laxinum, flott salat, pastað mætti kannski vera sýnilegra.

Lambaskanki, jarðepli, ORA grænar baunir og rabbabarasultu

Algjört nammi, ánægjulegt að sjá ORA grænar baunir og íslenska sultu, þetta hefði verið púkó fyrir nokkrum árum en þeir eiga alla mína virðingu fyrir að bera þetta fram, því það eru ótrúlega margir sem finnst þetta gott saman.

Þarna vorum við orðnir mettir, þjónustan hafði verið allan tímann þægileg við hendina þegar á þurfti að halda, en hvarf þess í milli.

Við þökkuðum pent fyrir okkur og litli bróðir skutlaði þeim eldri heim ásamt hækjunum.