Ísland í 7. sæti í Bocuse d’Or Europe

Keppendur, aðstoðarmenn og þjálfarar

Eins og fram hefur komið þá komst Ísland áfram í undankeppninni Bocuse d’Or Europe sem haldin var dagana 7. og 8. maí í Stokkhólmi, þar sem Sigurður Helgason keppti fyrir Íslands hönd og honum til aðstoðar var Sindri Geir Guðmundsson og þjálfari var Þráinn Freyr Vigfússon.

Frá verðlaunaafhendingunni

Úrslit urðu á þessa leið:

1. sæti – Tommy Myllymaki frá Svíþjóð, en hann starfar á veitingastaðnum Sjon.  Tommy hlýtur 1.9 milljón í verðlaun.
2. sæti – Kenneth Hansen frá Danmörku, hann starfar á veitingastaðnum og hótelinu Svinkløv Badehotel.  Kenneth hlýtur 1.4 milljón í verðlaun.
3. sæti – Ørjan Johannessen frá Noregi og starfar á veitingastaðnum Bekkjarvik Gjestgiveri.  Ørjan hlýtur 950 þúsund í verðlaun

Besti fisk-, og kjötrétturinn og aðstoðarmaðurinn

• Með besta fiskréttinn var það keppandinn Nicolas Davouze frá Frakklandi en hann starfar á veitingastaðnum Château Saint-Martin & Spa.
• Matti Jämsen frá Finnlandi átti besta kjötréttinn, en hann starfar á veitingastaðnum G. W. Sundmans.
• Svo var það Valeria Sidorova frá Rússlandi sem hlaut titilinn Besti aðstoðarmaðurinn, en hún aðstoðaði rússneska kandídatinn Igor Sus.

Ísland í 7. sæti

Sigurður Helgason

Af þeim 20 löndum sem kepptu í undankeppninni Bocuse d´Or Europe, þá voru það 12 lönd sem komust áfram í hina víðfrægu Bocuse d´Or sem haldin verður í Lyon í Frakklandi 27. og 28. janúar 2015, en þau eru:

1. sæti – Svíþjóð – Tommy Myllymaki, starfar á veitingastaðnum Sjon
2. sæti – Danmörk – Kenneth Hansen, starfar á veitingastaðnum Svinkløv Badehotel
3. sæti – Noregur – Ørjan Johannessen, starfar á veitingastaðnum Bekkjarvik Gjestgiveri
4. sæti – Frakkland – Nicolas Davouze, starfar á veitingastaðnum Château Saint-Martin & Spa
5. sæti – Finnland – Matti Jämsen, starfar á veitingastaðnum G. W. Sundmans
6. sæti – Bretland – Adam Bennett, starfar á veitingastaðnum The Cross
7. sæti – Ísland – Sigurður Helgason, starfar á veitingastaðnum Grillið á Radissonblu Hótelinu
8. sæti – Eistland – Dmitri Haljukov, starfar á veitingastaðnum Cru
9. sæti – Ungverjaland – Gábor Molnar, starfar á veitingastaðnum Geisel
10. sæti – Þýskaland – Christian Krüger, starfar á veitingastaðnum Axt
11. sæti – Holland –  Jan Smink, starfar á veitingastaðnum Kwartier Noord
12. sæti – Sviss – Christoph Hunziker, starfar á veitingastaðnum Schämerhof

Sturla Birgisson (T.v.) hefur verið dómari fyrir hönd Íslands allt frá árinu 2001

Bocuse d’Or Europe 2016

Bocuse d’Or Europe 2016 verður haldin í Búdapest höfuðborg Ungverjalands og er það í fimmta sinn sem að undankeppnin er haldin eftir að reglunum var breytt árið 2008.  Sjálf aðalkeppnin Bocuse d´or hefur verið haldin frá því árinu 1987, en Ísland tók í fyrsta sinn þátt árið 1999 og þá keppti Sturla Birgisson sem náði með glæsilegum árangri 5. sætið.

Það er Bocuse d´Or Akademía Íslands sem er handhafi þátttökuréttar íslendinga og á veg og vanda af skipulagningu.

Á næstu dögum verða birtar myndir af keppnisréttum allra þjóða, vídeó frá æfingum og af sjálfri Bocuse d’Or Europe keppninni.

Myndir: bocusedor-europe.com

/Smári