Eldum rétt opnar á Nýbýlaveginum

Nú nýverið opnaði fyrirtækið Eldum rétt þar sem boðið er upp á heimsendingar á matarpökkum sem innihalda allt hráefni sem þarf til að elda þrjár fyrirfram ákveðnar máltíðir.  Nú á boðstólnum er Gratineraður þorskur, Onfsteiktir kjúklingaleggir og Úkraínsk Borsctsúpa, en seinasti pöntunardagur er föstudagurinn 21. mars n.k.

Sniðug þjónusta hér á ferð og á sína erlenda fyrirmynd og er t.a.m. mjög vinsæl í Svíþjóð.

Á heimasíðu Eldum rétt segir:

Við finnum til hollar og góðar uppskriftir fyrir ykkur til að elda heima, tökum saman öll hráefni í þær og skutlum því til ykkar heim að dyrum ásamt leiðbeiningum að matreiðslu.

Stóri ávinningurinn er að þurfa ekki að eyða tíma í að finna til uppskrifir til að elda, sleppa við að fara í búðina og hráefnin koma í hæfilegum einingum.

Minni vinna, fjölbreyttari fæða og enginn matur í ruslið.

Eldum rétt er til húsa við Nýbýlaveg 16 í Kópavogi og er með heimsendingaþjónustu í eftirfarandi bæjarfélögum: Reykjavík, Kópavog, Garðabæ og Hafnarfirði.

Yfirmatreiðslumaður Eldum rétt er Pétur Brynjar Sigurðsson matreiðslumaður.

Mynd: Ívar Unnsteinsson matreiðslumaður.