Nemendur buðu kennurum í stórveislu | Met fjöldi í 2. bekk í matreiðslu

Þann 5. nóvember s.l. var 2. bekkur í matreiðslu og framreiðslu í Hótel og matvælaskólanum með hádegismat fyrir kennara í Menntaskólanum í Kópavogi, en þar var boðið upp á glæsilegan fjögurra rétta matseðil.

Eldhúsinu var skipt niður í fjóra hópa og einn hópur sá um einn rétt fyrir sig og núna eru 30 manns í 2. bekk í matreiðslu sem er víst met fjöldi í einum bekk að sögn Guðmundar Guðmundssonar eða Mumma sem hann er kallaður, þannig það voru 6 til 8 manns í hverjum hóp og var nóg af höndum fyrir hvern disk.

Fyrst var það gæs á þrjá vegu með gráðostakremi og portvíns rökum rúsínum.

Annar rétturinn var ofnbökuð bleikja, hörpuskel og kræklingur með hvítvíns smjörsósu og kræklinga froðu.

Þriðji réttur var heilsteikt hrossalund með kartöfluköku, gljáðu rósakáli, gulrótarmauki og rauðvínssósu. ( vantar kjötið á myndina því það var transerað inn í sal.)

Fjórði og síðasti réttur var Blandaður eftirréttur í honum var malt ís, appelsínu sorbet, flamberuð pönnukaka, berjasalat og konfekt moli. ( Vantar pönnukökuna á disk, því hún var eldsteikt inn í sal.)

Þetta gekk mjög vel fyrir sig og allir fóru sáttir í kennslu eftir þessa veislu.

Myndir: Nemendur í 2. bekk.

/Björn Ágúst