Kænan í Hafnarfirði dafnar og dafnar

Jón Ólafur Guðmundsson, betur þekktur undir nafninu Jonni, er matreiðslumaður að mennt

Einn föstudaginn, núna nýlega hittumst við ég og ritstjórinn og tókum hús á honum Jonna sem á og rekur veitingastaðinn Kænuna á Óseyrarbraut í Hafnarfirði.

Áhersla staðarins er heimilislegur matur og þjóðlegt kaffibrauð og er við rákum inn nefið var eftirfarandi matseðill í gangi:

Paprikusúpa

Lambakótilettur í raspi með steiktum kartöflum og sósu

Saltfiskur með kartöflum og smjöri eða hamsatólg

Royalbúðingur að hætti Kænunnar

Paprikusúpa

Við ákváðum að fá okkur fyrst Paprikusúpuna og var hún alveg til fyrirmyndar.

Kótilettur í raspi

Svo fórum við báðir í kótilettur í raspi með steiktum kartöflum og við fengum feiti með ekki sósu, svo var farið á meðlætisbarinn og fengið sér grænar baunir, rauðkál, rabbabarasultu og hrásalat, en ritstjórinn fékk sér annað með eins og sést á meðfylgjandi mynd. Kótiletturnar voru svakalega góðar, stökkar að utan og lúnamjúkar inní og var þetta bara hin besta máltíð.

Royal búðingur

Svo var komið að sjaldséðum eftirrétti en það var Royal búðingur með þeyttum rjóma og minnir mig að Kænan sé eini veitingastaðurinn á landinu sem býður reglulega upp á Royalbúðing og er það vel. Búðingurinn smakkaðist eins og ávallt góður og var flottur endir á heimilislegan hádegisverð að hætti Kænunnar.

Myndir: Smári

/Sverrir