Glæsileg veisla á Microbar | Matur beint frá bónda og bjór paraður með

Microbar við Austurstræti 6 býður gestum upp á glæsilega veislu, þar sem gestakokkurinn Hinrik Carl Ellertsson matreiðslumeistari töfrar fram sex rétta kvöldverð.

Matseðillinn er eftirfarandi:

1. Íslensk gulrót frá Flúðum í öllu sínu veldi á nokkra mismunandi vegu
2. Kjötsúpa eins og Hinni gerir hana með nautakjöti frá Útvík, kartöflum frá Hofstaðaseli, kornhænueggjum og bjór
3. Fullkomlega eldaðuð bleikja frá Hólum með bjórsoðnu byggi að austan ásamt rúgbrauði og rifsberjum týndum í garðinum hans Hinna
4. Svína “rif “ frá Bjarteyjarsandi löðrandi í soðgljáa, nýbökuðu bjórbrauði ásamt heimagerðum ferskosti
5. Grillað naut frá Útvík ásamt hvítlauk, vorrúllu, bjórsósu og rauðkáli
6. Of blaut brownie með íslenskum landnámshænueggjum ásamt Stout butterscotch sósu

Þessi herlegheit verða í boði á morgun miðvikudaginn 19. febrúar og verður mismunandi bjór paraður við hvern rétt.

Matur beint frá bónda og bjór paraður með því er góð blanda, en viðburðurinn hefst á slaginu 19:30.  Allar nánari upplýsingar á facebook síðu Microbar.

Mynd: af facebook síðu Microbar.

/Smári