Freisting.is boðið upp á kaffidrykki sem 101 lopatreflar drekka

Þriðjudaginn 5. mars síðastliðinn var blásið til veislu í þjónakennslurými Hótel og matvælaskólans í MK. Árlegur Café MK dagur var haldin en þá taka höndum saman þjóna- og bakaranemar skólans og slá upp veislu með nýbökuðu bakkelsi, kökum og kruðeríi og nýlöguðu kaffi eftir kúnstarinnar reglum allt frá hefðbundinni uppáhellu í öllu framandlegri kaffidrykki sem 101 lopatreflar drekka og kennt er við Latte.

Niðurstaðan: Ljúffengar kaffiveitingar og gott kaffibrauð í alla staði, alltaf gaman að koma uppí skóla og gaman að fá að fylgjast með því sem verið er að gera innan deilda skólans.

Margt var um gesti á staðnum auk þess sem kunn andlit bakarageirans litu við, t.a.m. þeir Gunnlaugur Örn Valsson Sælkeradreifingu og Bergsveinn Arilíusson bakaradrengur og söngfugl með meiru.