Úrslit úr þremur keppnum | Ísland ekki á verðlaunapall

Nú er orðið ljóst með úrslitin úr þremur norðalandakeppnum sem haldnar voru á Norðurlandaþingi matreiðslumeistara í Gautaborg, en í gær keppti Garðar Kári Garðarsson í Global Pastry Chef Challenge Semi Final sem endaði með sigri Olli Koukkannen frá Finnlandi.

Einnig í gær keppti Sigurður Kristinn Laufdal Haraldsson í Global Chef Challenge Semi Final og enduðu úrslit þannig að norski matreiðslumaðurinn Christopher Davidsen sigraði þá keppni.

Víðir Erlingsson keppti í ungliðakeppninni Hans Bueschkens í dag og var það Kasper Christensen frá Danmörku sem sigraði þá keppni.

Öll úrslit eru sem hér segir:

Global Pastry Chef Challenge Semi Final
1. sæti – Olli Koukkannen, Finnland
2. sæti – Kalle Bengtsson, Svíþjóð
3. sæti – Gabriel Ahlgren, Danmörk

Global Chef Challenge Semi Final
1. sæti – Christopher Davidsen, Noregur
2. sæti – Fredrik Hedlund, Svíþjóð
3. sæti – Eero Vottonen, Finnland

Hans Buschkens Semi Final
1. sæti – Kasper Christensen, Danmörk
2. sæti – Christer Rodseth, Noregur
3. sæti – Pi Le, Svíþjóð

Í dag keppti Hafsteinn Ólafsson í ungliðaflokki um titilinn Matreiðslumaður Norðurlanda og gekk honum virkilega vel, en úrslit frá þeirri keppni verður kynnt á morgun ásamt úr eldri flokki um sama titil þar sem Bjarni Siguróli Jakobsson keppir.

Mynd: aðsend