Villibráð á veitingastaðnum Gallery á Hótel Holti – Veitingarýni

Við félagarnir sáum að veitingastaðurinn Gallery á Hótel Holti, býður upp á Hreindýrahamborgara á hádegisseðlinum þessa dagana og ákváðum við að slá til og smakka.

Eitt laugardagshádegið vorum við mættir á svæðið og var okkur vísað á borð um leið og við komum inn, færður matseðill og boðnir drykkir og var úr að við pöntuðum vatn og bensín á kantinn og svo völdum við eftirfarandi rétti:

Grafin Gæs, ferskt Salat, Hindber, Súkkulaði og ristaðar Valhnetur

Mjög girnilegt og ferskt, en maður hálfsaknaði gæsabragðins sem vantaði.

Hreindýraborgari með Bláberja- og Rauðlaukssultu, Gráðostakremi og hleyptu Eggi í Rauðrófusafa
Borið fram með Frönskunum okkar og Piparrótar / Hollandaisesósu

Hreindýraborgari

Flott framsetning, glæsileg samsetning á bragði og nánast óaðfinnalegur réttur, eina við félagarnir vorum ekki sammála um steikinguna á kjötinu, en það er bara á milli okkar.

Þjónustan var fagleg og þægileg, tónlistin var glæsileg klassísk og heyrðist bara þegar hlustað var eftir henni og alveg í stíl við umhverfið og matinn.

Glæsileg umgjörð og matur hjá þeim, ég er strax farinn að hlakka til næstu heimsóknar.

/Sverrir