Unnur bauð upp á fimm rétti í jólaþætti Döve film

Unnur Pétursdóttir

Unnur Pétursdóttir flaug til Kaupmannahafnar og eldaði fimm rétti í jólaþætti Döve film.  Þátturinn verður sýndur 17. desember á dönsku sjónvarpsstöðinni Dr 2.

„Upptakan gekk bara mjög vel. Ég mætti snemma til að undirbúa en upptakan var frá klukkan 17:00 til 21:00.  Það var tekið við mig viðtal en svo var ég auðvitað að elda mat sem áhorfendurnir í salnum fengu að smakka. Það voru allir mjög ánægðir og fannst maturinn góður“

, sagði Unnur í samtali við veitingageirinn.is aðspurð um hvernig gekk.

Unnur bauð meðal annars upp á ástarpunga með súkkulaðimús

Unnur bauð upp á eins og áður segir fimm rétti, en þeir voru tvíreykt lambalæri á laufabrauði með dillrjómaosti, þorskrúllu með humarfarsi og humarsósu, hægeldaða bleikju með ristuðu brauði mæjó og perlulauk. Eftirréttirnir voru tveir ástarpungar með súkkulaðimús og skyr með bláberjasósu.

Myndir: aðsendar