Vertu memm

Smári Valtýr Sæbjörnsson

Um 2000 tillögur um nýyrði í keppni Aha.is

Birting:

þann

Suzushi

Suzushi

Vefsíðan Aha.is hefur undanfarna viku staðið fyrir nýyrðasamkeppni, en starfsfólk Aha leitar að íslensku orði fyrir mat sem keyptur er á veitingahúsi til að fara með annað, en almennt er notast við enska orðið „take away“ í dag.

Þátttakan fór fram úr björtustu vonum, en 1923 tillögur bárust, þar af tæplega 1100 mismunandi orð.

Til stóð að tilkynna sigurvegara í samkeppninni í dag sunnudaginn 5. október, en þar sem margar tillögurnar þóttu mjög góðar og vel úthugsaðar er ljóst að dómnefndar bíður starf sem er mun viðameira en svo að það verði unnið á svo skömmum tíma.

Í stað þess að einráð dómnefnd velji nafn, hefur nefndin undanfarna daga valið bestu orðin úr tillögunum og ætlar að efna til vefkosningar á því hvað almenningi finnst besta orðið. Kosningin hefst á á morgun mánudaginn 6. október og verður inni á vef Aha.is og stendur yfir til fimmtudagsins 9. október, en síðdegis næsta dag, föstudaginn 10. október verður sigurvegari og nýtt orð kynnt.

Aha.is fór í loftið í apríl 2011 og hefur vaxið jafnt og þétt síðan. Í dag er síðan með 60.000 viðskiptavini og býður upp á ný tilboð daglega, fleiri þúsund vörur í netverslun sinni og nú þann möguleika að panta mat á netinu, að því er fram kemur í tilkynningu.

 

Mynd: aðsend

/Smári

twitter og instagram icon

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið