Tveir Íslenskir matreiðslumenn teknir inn í “American Academy of Chefs”

Hilmar B. Jónsson, Dr. Janey Thornton aðstoðarumhverfisráðherra Bandaríkjanna og Gissur Guðmundsson

Matreiðslumeistarnir Gissur Guðmundsson forseti alheimssamtaka matreiðslumanna, WACS og Hilmar B. Jónsson varaforseti WACS voru í síðustu viku teknir inn í “American Academy of Chefs” AAC, á þingi “American Culinary Federation” ACF sem haldið var í Anaheim í Kaliforníu.

AAC er næst hæsta virðingarstig sem matreiðslumenn í Bandaríkjunum geta fengið. Það hæsta er “Hall of Fame”

Gissur fékk þessa upphefð sem forseti WACS en Hilmar fyrir að hafa ferðast um Bandaríkin í 21 ár að kenna matreiðslumönnum að elda fisk á vegum Icelandic Seafood Inc áður Iceland Seafood og Samband of Iceland.