Tine og Þormar loka Odense súkkulaðihúsinu eftir 14 ár í rekstri – „við lokum búðinni með bros á vör“

Tine Buur Hansen og Þormar Þorbergsson

Tine Buur Hansen og Þormar Þorbergsson hafa ákveðið að loka Odense súkkulaðihúsinu í heimaborginni Óðinsvéum í Danmörku eftir 14 ár í rekstri. Þormar og Tine eru bæði konditor að mennt.

Síðasti opnunardagur Odense súkkulaðihússins er á laugardaginn 15. apríl næstkomandi.

„Við höfum unnið við súkkulaðibransann í yfir 30 ár og erum bæði orðin 50 ára. Nú er kominn tími til að breyta til. Sem betur fer skuldum við bönkum og birgjum ekkert, þannig að við lokum búðinni með bros á vör.“

Segir í tilkynningu frá Odense súkkulaðihúsinu og undir hana skrifa Tine og Þormar.

Myndir: facebook / Odense Chokoladehus