Stjórnendur Fiskidagsins Mikla ganga skrefinu lengra í flokkun á rusli

Frá undirritun.
F.v. Elías Björnsson frá Sæplast, Pétur Blöndal frá Samál, Helga Pálsson frá Gámaþjónustu Norðurlands og Þorsteinn Már Aðalsteinsson frá Fiskideginum mikla.

Í gær miðvikudaginn 4. júlí undirrituðu fulltrúar fjögurra aðila samvinnusamning sem snýr að flokkun á rusli sem til fellur á Fiskideginum mikla. Undirritunin fór fram í brekkunni við hátíðarsviðið í miðbæ Dalvíkur.

Undanfarið hafa stjórnendur Fiskidagsins mikla unnið að því að skipuleggja flokkun á rusli sem fellur til á fjölskylduhátíðinni Fiskidagurinn mikli. Í ár verður skrefið tekið lengra með samvinnu fjögurra aðila, Samáls samtaka álframleiðenda, Sæplasts, Gámaþjónustu norðurlands og Fiskidagsins mikla. Stefnt er að því að flokka álpappír, plast og almennt sorp ásamt því að dósir og plastflöskur eru flokkaðar af Björgunarsveitarinni á Dalvík og rennur ágóðinn af þeirri söfnun óskiptur til sveitarinnar. Næstu árin stefnir hugur þessara aðila til enn meiri flokkun ar og að fá fleiri aðila að borðinu, að því er fram kemur í fréttatilkynningu.

Elías Björnsson frá Sæplast og Júlíus Júlíusson

Sæplast setur upp litakerfi og merkingar á Sæplastkör sem verða víða á hátíðarsvæðinu og vonumst við til þess að gestir kynni sér merkingar og leggi verkefninu lið. Gámaþjónusta norðurlands sér að venju um að taka það sem flokkað er og koma á rétta staði.

Pétur Blöndal frá Samál og Júlíus Júlíusson

Samál sem eru nýir í hópi aðalstyrktaraðila Fiskidagsins mikla leggja verkefninu lið og til gamans má geta að Fiskidagurinn mikli hefur notað um 2,6 tonn af álpappír í þessi 17 ár.

Allt frá upphafi hefur Fiskidagurinn mikli lagt mikla áherslu á að umgengni sé góð. Oft hefur verið rætt um að þar sem að allt er frítt á Fiskideginum mikla sé aðgöngumiðinn að gestir gangi vel um og sýni almennt góða hegðun. Við mælumst til að gestir leggi verkefninu lið með því að nota eins mikið og hægt er sömu diska, súpuglös og fleira.

Haukur Ægir Ragnarsson frá Egils Appelsín og Júlíus Júlíusson framkvæmdastjóri Fiskidagsins mikla

Einnig notuðu fulltrúar Samáls, Appelsín og Sæplast og Fiskidagsins mikla tækifærið og skrifuðu undir styrktarsamning þessara aðila fyrir Fiskidaginn mikla 2018. Þessir þrír aðilar eru allir í góðum hópi aðalstyrktaraðila. Sæplast hfur verið mikill og góðu bakhjarl allt frá upphafi og ávallt í hópi aðalstyrktaraðila. Samál og Appelsín eru nýjir í hópnum og bjóðum við þá sérstaklega velkomna. Allir drykkir á hátíðinni í ár verða í boði Egils Appelsín.

Myndir: aðsendar