Sölumaður og Brand Ambassador óskast í hótel- og veitingadeild Ölgerðarinnar

Ölgerðin leitar að öflugum og jákvæðum einstaklingi í starf sölumanns & Brand Ambassador í hótel- og veitingadeild.

Við leitum að einstaklingi sem hefur reynslu af sölu og þjónustu og mikinn áhuga á brennivíni, kokteilum og veitingamarkaðnum. Starfið sameinar hefðbundna sölumennsku og viðskiptatengsl við uppbyggingu, kynningu og sýnileika vörumerkja Ölgerðarinnar.

Helstu verkefni og ábyrgð:

Sala og þjónusta við viðskiptavini á hótel- og veitingamarkaði.
Byggja upp og viðhalda sterkum viðskiptasamböndum.
Greina sölutækifæri og afla nýrra viðskiptavina.
Samnings- og tilboðsgerð, pantanir, samskipti og eftirfylgni.
Vera talsmaður og sérfræðingur vörumerkja Ölgerðarinnar.
Byggja upp sýnileika og sölu vörumerkja hjá viðskiptavinum.
Halda vörukynningar, bjóða upp á smakkanir og fræðslu fyrir viðskiptavini og starfsfólk þeirra.
Vinna með viðskiptavinum að þróun kokteila, drykkjarseðla og annarra lausna.

Taka þátt í viðburðum, vörukynningum og öðrum verkefnum tengdum vörumerkjum.
Fylgja eftir söluherferðum og markmiðum þeirra vörumerkja sem viðkomandi ber ábyrgð á.
Vinna náið með sölu- og markaðsteymum Ölgerðarinnar.

Hæfniskröfur:

Reynsla af sölumennsku og/eða störfum á hótel- og veitingamarkaði.
Góð þekking og mikill áhugi á brennivíni og kokteilum.
Reynsla af bar- eða veitingarekstri er mikill kostur.
Rík þjónustulund og sjálfstæði í vinnubrögðum.
Framúrskarandi samskiptahæfni og góð framkoma.
Hæfni og áhugi á að halda kynningar og miðla þekkingu.
Jákvæðni, frumkvæði, áreiðanleiki og metnaður.
Reynsla af CRM og Excel er kostur.
Góð íslensku- og enskukunnátta.
Bílpróf.

Sækja um hér.