Sigurður Elvar í danska landsliðinu sigraði á Norðurlandamóti bakara

Danska landsliðið fagnaði sigrinum vel og innilega.
F.v. Stephanie Carbel Svendgaard, Sigurður Elvar Baldvinsson og Per Eckholt

Sigurður Elvar Baldvinsson, bakara og konditor-meistari, var í danska landsliðinu sem sigraði á Norðurlandamóti bakara, Nordic Bakery Cup, sem fram fór í Herning í Danmörku um liðna helgi.

Sjá einnig: Danmörk sigraði Norðurlandakeppni bakara 2018

Hann varð einnig hlutskarpastur í gerð skrautstykkja. Svíar urðu í 2. sæti í liðakeppninni, Norðmenn í því þriðja og lið Íslands hafnaði í fjórða og neðsta sæti.

„Keppendur Íslands stóðu sig alveg eins og hetjur, keppnin var mjög jöfn og mjótt á mununum,“

segir Sigurður í samtali við Morgunblaðið sem birti skemmtilegt viðtal við hann í blaðinu í gær. Hann bætir við að verðlaunin hafi mikla þýðingu fyrir hann.

Sigurður Elvar varð einnig hlutskarpastur í gerð skrautstykkja

„Faglega séð er þetta mikill heiður og er ég að uppskera ávöxtinn af mikilli vinnu og mörgum tímum í bakaríinu. Persónulega hefur þetta kannski ennþá meiri þýðingu þar sem ég fékk heilablóðfall fyrir einu og hálfu ári og var frá vinnu í tvo mánuði.

Gerðist reyndar viku eftir að ég varð aðstoðarþjálfari danska bakaralandsliðsins. Ég komst upp úr þeim erfiðleikum með hjálp fjölskyldu og vina en ekki síst landsliðsins sem stóð við bakið á mér allan tímann.“

Myndir: MCH/Tony Brøchner / Facebook: Foodexpo