Pylsur úr þorski – Logi: „…bragðaðist alveg dásamlega“

Sala á fiskipylsunum hófst í gær hjá Hafinu fiskverslun og er verðið á pakkanum 500 krónur fyrir 5 stk. af vínarpylsum.

Hafið fiskverslun hefur hafið sölu á fiskipylsum, en pylsurnar eru unnar eins og hefðbundnar vínarpylsur.

Hér er án efa góð viðbót í íslenskri skyndibitaflóru.

Fiskipylsurnar eru hitaðar upp fyrir neyslu, líkt og venjulegar pylsur, en þykja einnig mjög góðar á grillið eða djúpsteiktar:

Logi Brynjarsson matreiðslumeistari og framleiðslustjóri Hafsins

„Við fengum okkur djúpsteiktar pylsur með tómatsósu, dijon sinnepi og steiktum lauk í hádeginu í vinnunni og það bragðaðist alveg dásamlega“

Sagði Logi Brynjarsson matreiðslumeistari og framleiðslustjóri Hafsins í samtali við veitingageirinn.is.

Um Fiskipylsurnar

Byrjað er á að útbúa bindifars með sér sérblönduðu kyddi og repju olíu sem er bundið saman við farsið til að gera pylsurnar silkimjúkar.

Að lokum er bætt í farsið hreinu þorsk-hakki fyrir ögn grófari áferð og stífri kókosfeiti til að pylsurnar séu eins safaríkar og hægt er.

Í pylsunum er einungis hreinn fiskur og íblöndunarefni unnið úr plönturíkinu, því hentugar fyrir þá sem kjósa að neyta ekki kjötmeti en einnig fyrir alla aðra.

Pylsurnar innihalda EKKI egg, hveiti eða mjólk en einu ofnæmisvaldar í pylsunum eru sinnep, sellerí og soja.

Farsinu er síðan sprautað í kolagen garnir, léttreyktar og soðnar því þarf einungis að hita fyrir neyslu.

 Sjá nánari vörulýsingu á pylsunum hér.

Myndir: aðsendar