Plútó Pizza er nýr veitingastaður við Hagamel

Fyrirmynd staðarins er sótt til pítsustaða í New York. Stefán segir að þegar fram í sækir sé stefnt að því að bjóða til sölu ferskt pasta, lasagna og kjötbollur.

Enn ein rósin bættist í hnappagat Vesturbæjarins þegar Plútó Pizza var opnuð við Hagamel á dögunum en eins og nafnið gefur til kynna er um pítsustað að ræða. Það eru engir aukvisar sem standa að Plútó heldur sjálfur Stefán Melsted sem sjálfsagt er þekktastur fyrir að vera annar stofnandi Snaps, að því er fram kemur á mbl.is sem fjallar nánar um veitingastaðinn hér.

Plútó er til húsa í litlum verslunarkjarna þar sem Fisherman var með fiskisjoppu þar til fyrir skemmstu.

Mynd: úr safni